شرح تسطيب أكثر من ويندوز علي كمبيوتر واحد
في موضوعنا اليوم سوف نتطرق لشرح كيفية تثبيت وتشغيل أكثر من ويندوز على جهاز الكمبيوتر بالتفصيل ،تابع معي الشرح بالصور ..
كتير مننا سمع عن الحكاية دي , وفي ناس كتير شغالة عليها ....
هو احنا بنتكلم عن ايه أصلا ؟؟ , احنا بنتكلم علي انك ممكن تسطب أكتر من ويندوز علي جهازك وتشتغل علي النظام اللي انت تحبه بحيث انك بتختاره كل لما تيجي تفتح الجهاز !
ماشي ؛؛ ايه الفايدة ؟؟؟؟ , الفايدة لبعض الناس انك بتعيش التجربة علي نظامين مختلفين وزي ماتحب , وتقدر تعمل حاجة معينة علي كل نظام انت شغال عليه ...
- طب مانا ممكن اعمل نظام وهمي وأريح دماغي !!! ( هنتكلم عن الموضوع ده بالتفصيل بعدين )
كلامك سليم بس النظام الوهمي في حاجات معينة مش بيوفرها لك , ده غير انك هتستمتع بكل الخواص اللي ممكن متلاقيهاش في النظام الوهمي ومن غير أي خبرة في التعامل مع الأنظمة الوهمية .... تمام ! طب هنعمل كده ازاي ؟؟
كيفية تثبيت أكثر من نظام تشغيل ويندوز على جهاز واحد :
1- لازم يكون عندك ويندوز متسطب ع الجهاز ولو معندكش هتسطبه من الأول
2- كل ويندوز هنسطبه لازم يكون له بارتشن لوحده , بمعني انك ماينفعش تسطب نظامين علي نفس البارتشن ولازم تراعي المساحة اللي هتسيبها فاضية بعد تنزيل الويندوز الأول
3- هننزل الويندوز التاني اللي احنا عاوزينه , وممكن تنزل أي عدد من الويندوزات بشرط ان كل ويندوز هيكون له بارتشن لوحده , بس احنا هنكتفي باتنين بس
بعد تحقق الشروط دي ممكن حضرتك بكل سهولة تسطب أي ويندوزين انت عاوزهم بس !!! , بس ايه؟
وانت بتسطب الويندوز التاني لازم تختار بارتشن غير اللي احنا سطبنا عليه الويندوز الأول فاكره ؟؟!
طب ممكن اخلي نظام معين يفتح من غير ماختار كل مرة ؟
-ممكن , عشان تعمل كده مثلا في ويندوز 8 , بعد ماتفتح روح ل Control Panel
وبعدين اعمل كده
وبكده يكون الموضوع البسيط ده انتهي بدون وجع دماغ وبكل بساطة ...
اذا كان ليك استفسار أو أي سؤال شاركنا علي صفحة الفيس بوك واحنا هنحاول نجاوب عليه , واذا استفدت شارك الموضوع واشترك في قناة إيجي هيروز ع اليوتيوب عشان يوصلك جديد المدزنة من شروحات وحلول :)
والسلام عليكم ورحمة الله
0 التعليقات